مرحبا شباب.....
ياريت تخلونا من الهرج والكلام الفاضي اللي لا راح يودي ولا راح يجيب....
أولاً الى الأخ اللي حاط المقطع ترى الرابط مايفتح والمقطع ما شفناه بالمره,,, مو مهم
يعني حتى لو تاب الشيعي على قولة اخونا المزقرت,,, وين بيروح؟
يعني بيروح لجهة اخوانه السنة.. طيب وبعدين... مو كلنا واحد.... وانا مو شايف وش نوع الانتصار اللي حققوه الشيعة والا السنة في هالموضوع....

واحد فرحان انه هزأ السنة...
والثاني فرحان انه هزأ الشيعة...
وكل واحد ياكل في لحم الثاني وغبائنا يزيد وعقولنا ترجع الى الوراء ...!!!!!!

انا شيعي ,, نعم شيعي,,, و والله ما عمري قلت اني شيعي سواء جنب اخواني الشيعة او السنة, و حتى ربعي السنة, ما عمر احد منهم قال يا شباب ترى انا سني... لأنه في اعتقادي الشخصي هذي حاجات ياخي شخصية وكل واحد حر في اتباعه وطريقته في اداء عبادته مادمنا كلنا مسلمين والحمد لله,,,, المهم كيف انا اتعامل مع الناس اللي من حولي,,, شيعة لو سنة ,,,, كلنا سواسيه و "لا فضل على عربي ولا اعجمي الا بالتقوى"...

واذا راح نضل نتكلم بصورة غبية ومخزية عن منو الشيعي ومنو السني ,,, والله صدقوني راح يضحكوا علينا الناس الثانيين لين ما يقولوا بسسسسس,,, فشششلتونننا

واللي مو مصدق كلامي انو اللي جالس يصير في ديرتنا هو لعب على العقول ومحاولة للتفرقة الرخيصة بيننا.... تعالوا سافروا بره... روحوا اوروبا والا امريكا او حتى آسيا.... راح تفكوا حلوقكم لما تشوفوا السني والشيعي اكثر من اخوان ويمكن يقضوا شهور مع بعض ويصلوا جنب بعض ويناموا في غرفة وحده وما منهم واحد فتح سيرة ليش انت شيعي وليش انت سني........ ما ادري ليه الفلسفة في هالمواضيع والفتنة بس تشوفها في ديرتنا ومن اعز الناس لك اللي تشوفهم معاك في جامعة او مدرسة او نادي او غيره....... غريـــــــــــــب

يا جماعة اعقلوا وخلوا عندكم شوية تفكير,,,,, ترى شباب الأيام هذي في الجامعات الاوروبية والامريكية تحصله يهودي وجالس يتعاون مع مسيحي في بحث تخرج او رسالة ماجستير وثالثهم مسلم ورابعهم ماله حتى ديانة,,,, والكل محترم بعض ومتعاون مع الثاني مثل الاخوان.... واحنا حضنا انو كل واحد شايل هم من اللي هزأ الثاني ... ومن اللي غلب السنة لو الشيعة..... الله يرحم حالنا ويصلحا بس

على العموم اللي يبي يعتبر كلامي فلسفة لا يتعب حاله ويكتب ردود لاني انا محترم و ابحترم آرائكم كللللها حتى بدون ما اقراها.... واللي حاب يكتب يتفضل ما عندي مانع وانا راح اتجاوب معه... واللي يبي يسب ويلعن ويكفر ويزندق ومادري وش بيسوي هم بعد يتفضل على العين والراس......

تحياتي ولاتواخذوني.....