من عادتي ماحط في الفكر مزلاج***والنفس اروضها واجود رسنها

لاجات من فكري مفاريد وازواج***قام الورق من لهفته يحتضنها

البارحه حطيت لي خمست اراج***فارض الخيال وشفت الاقطار منها

شفت النتيجه تشتكي هم الانتاج***وشفت السنابل والرحى اللى طحنها

شفت الطريق المعتدل صار منعاج*** واحداث بهذلها الزمان ودفنها

وجروح ناس مالها طب وعلاج ***ونفوس مرضى والفرح ما سكنها

والكذبه اللى صورت فلم دبلاج***جت في مساحتها وجت في زمنها

تفننوا فيها بتأليف وإخراج*** وبثوا دعايه عشره اعوام عنها

وانا على مسراى والنور وهاج***آمر على ما يطلع الفكر وانها

دنيا بحر تصطفق فيه الامواج***ولا فيه مخلوق حياته ضمنها

الناس مهما كان للناس تحتاج *** في مالها في جاهها في محنها

ناس تصير بساعه الضيق مخراج***ومن حدته سود الليالى زبنها

وناس مراجلها سواليف وازعاج***لافايده فيها ولا خيرمنها

والرجل له كلمه ومبدا ونهاج *** ضريبته لابد يدفع ثمنها