| التسجيل | الأعضاء | التقويم | البحث |
| رسائل SMS - MMS كل ما يتعلق بالرسائل النصية و رسائل الوسائط |
 |
| LinkBack | أدوات الموضوع | إبحث في هذا الموضوع | طرق عرض الموضوع |
06-11-2007, 04:02 AM
|
||||
|
||||
إهداء مني لجميع الأحباب ادخل وماراح تندم
أحلى مسجات حب وعتاب حصريآ من جوالي اتمنى تعجبكم وماتفشلوني اهداء مني لجميع الاحباب واخليكم مع المسجات V V V V V صباح الخير... من قلبي إلى روحي... صباح الخير... عدد آلامي وجروحي... صباح الخير... عدد مابه من الأشواق في قلبي... صباح الخير... " لك وحدك" ماهو للغير ~ صباح يرتبط وياك ~ لين يصير..! ~~ مساء الخير ~~ مساء الخير... من كلي إلى ظلي ... مساء الخير... عدد ماعيني تهلي ... مساء الخير... يا أزكى من نسيم البحر... يا أندى من رحيق الزهر... " يانجمة " في ظلام الليل... " ياأحلى " من رأت عيني... يابسمة" عمري وسنيني << ،،أحبك،، >> وأعترف ،، وأقسم..! وحبي يبني مايهدم..! مابين ضلوعي لك بنيان بدونك خالي السكان..! وبوسط عيوني... فيه إنسان..! هو" إنت " (( ياأغلى إنسان )) مساء الخير... ودمت بخير... ياعمري لين الشمس لك تشرق... ويظهر من جديد الفجر... ويرجع لك..! ،،، صباح الخير،،، ***************************** الحب هوذلك الإحساس العجيب الذي يجعلنا نتصرف بعكس مصلحتنا الشخصية ودائما الحب الحقيقي يبدأ عنيفا وينتهي عنيفا.. كثيرا ماتختلط الأحاسيس فنخطئ الطريق..والأتجاه..والتصرف!! إن الإعجاب بالأخر لايولد من رحم الحب.. بل من الرغبه وإرتباطنا به واقتناعنا بأن الأخر يبقى لنا النصف الاخر.. الحب ليس كلمات نرميها بوجه من نقابل بل هواحساس يعلمنا معنى حروفها...!! ****************************** تدري وش حطم غيابك مركب بداخل شعوري من نسى قلبك حضوره قلبي ماواجه / شعوره عندي مابه شي ضروري فاقد إحساس الأماني لا مراسي لا مواني وصارت الدنيا / قسى !! وصار دوري .. أعشق أنواع الأرق .. وألفظ أنفاس الغرق وصوت معناه الخطر وقلب ميت / يحتضر من غيابك السلامه فيهاقلبي مارسى لاصباحي هو صباحي ولامسا قلبي / مسا ياقاسي في .. غيابك إختلف شكلي ولوني صرت أنا إنسان / ثاني والسهر تعب عيوني والسؤال اللي ذبحني : صدق أهو فعلا" نسى ؟ راح وأهداني الأسى ! وماوصلت إلا لحقيقه : الجفا أسهل طريقه للقسى !.. ************************** على امرك يابعد نبض الخفوق وهاجسي ومناي ،،، مــدامـك مــاتبي وصلي انــا وش عاد يبقيني ،،، ابأخــذ مــابقـالي مـن كـرامه واستحث خـطاي ،،، عـلى درب الـغياب وويـن مــاودى يــوديـنــي ،،، واذا هفهف عـلى صــدري هــواك وحـــدني لأقـصاي ،،، دعـيت الله يطمن فــي بعـــادك قـلبي وعينـي ،،، ******************************************* ابتحمل جور حكمك وانا ماأعرف خطاي .!!! وبمسك ادموعي وأنا اتامل دروب توديك.. انت راحل.!. وتاركني في برد الخوف يادفاي.. انت راحل.!. وتاركني طفل ضايع يطالع فيك.. خلاص ارحل بس لا تودعني؟! وتسألني : وش بلاي؟!.،. دمعتي ماتحمل جور سؤالك: وش اللي فيك؟!..، خلني ابقى كذا ودامك أنت ناوي جفاي.. اجرح القلب وتسلى واطعن خافقن يفتديك.،. لجل تبقى الجروح ذكرى لو هي اسباب لشقاي.:. لجل يبقى جرح فيني لو نسيت <..ذكرني فيك..> . ************************************** **ممكن أسأل؟؟ ليه أحبك؟؟! ليه قلبي راحته في حضن قلبك.. ممكن أعرف؟؟ ليه أيامي بلا وجودك تموووت؟؟ وليه أحلامي بلا نورك تموووت؟؟ وليه من دونك يغطيني الحزن؟؟ ويسجن شعوري السكون؟؟ ليه اضيع ان كنت غايب؟؟ وليه اشوفك كل اهلي.. وكل ناسي..والحبايب؟؟ ليه أشوف الدنيا ورديه معاك.؟. ليه أحب إني أكون نجمة تضوي في سماك؟؟ وليه أشوف الوقت وردة ذااابلة لوغبت يوم؟؟ وليه أحسك جنتي؟؟ والهنا بقربك يدووم.. ليه أشوف الناس من بعدك سراااب.. وليه أشوف الحب من بعدك سراااب.. ليه يحييني حضورك.. ويقتل أيامي الغياااب.. ممكن اعرف ليه أحسك كل كلي؟؟ شمسي انت..وانت ظلي.. ممكن أسأل.. وممكن أعرف.. ليه كل هذا ياخلي؟؟ ليه أحبك وبكل حالاتك أبيك.؟. بهدؤك..بانفعالك وبجنونك..مهتويك ليه أحبك خفقةالروح اليتيمة؟؟ وكل أحلامي القديمة؟؟ واسرارتخفيهاعيوني.. بس ماتخفى عليك.. ايه احبك بغروري،،وبشموخي،، وبعنادي اللي طوعته بيديك،، وبكثرجورك،،وبحنانك،، ودافي احساسك وأمانك،، لانثرته من أجيك.. ايه احبك وتوي دريت إن الهوى حده خطير يقدر يغيرفي ملامحنا الكثير ايه احبك ووحدك حبيبي يامواني كلها حب ودفا ********************************* ان بغيت اوصف الغالي بالشعر انسى الحروف وان بغيت اوصف غلاته بالحكي ضاع الكلام.! لو رسمته في خيالي لوحة صعب الوصوف يعجز الرسام يكمل لوحته فمليون عام.! خلي اكبر من قصيده صغتها بأقسى الظروف وخلي اكبر من وصوف رسمها ود وهيام.! العرب تحكي وتحكي فسيرة تغني السيوف بسمته تكفي وتكفي نظرته تحمل سلام.! طيفه اللي من عرفته مختلف بين الطيوف ولا لمحته هام فيني خافق عاش فغرام.! ايه احبه وليت قلبه بس يشوف كيف حبه صار فيني والغلا اصبح وسام.! دام خله عاف غيره وشال حبه باهتمام.! لانثرت سطور شعري صابني رهبه وخوف خوف قلبي لو يقصر والصراحه مايلام.! هذا حبر الغلا يكتب سيرة تنقش حروف في صدر من هو احبه ولا بعد يكفي كلام!! ****************************** لا تشكك بحبي لك وأنا اللي حبي لك بلا مقياس ،،،، لا تشك فيني وأنا حالف بدنياي ماأخونك ،،،، غريبه حالة الدنيا غريبه لعبة الأحساس ،،،، أنايالغالي شارب من إحساسك وعطفك كاس ،،،، أنا أذكرك دايم يوم كل الناس ينسونك ،،،، أنا كلي محبه من طرف رجلي ألين الراس ،،،، أنا وأن كنت ماتدري يقولون عني مجنونك ،،،، أنا ماعندي مانع عشانك أخاوي اليأس ،،،، أنا اللي لوتناديني بأعلى صوتك أقول ياعونك ،،،، خلااااااااص أصحى من أوهامك وأنسى الهم والهوجاس ،،،، وغير كل نظراتك وكذب أغلب ظنونك ،،،، <<<<<<< بقولك شي >>>>>>>> إسمع زين وخل عنك الوسواس ياأطهر مامشى على الأرض أنا مالي حياااااه دونك ،،،، " وحق الله " " أحبك مووووت وأشوفك " " في عيون الناس " " وحتى في بعض الأوقات " " أشوف الناس بعيووونك " ******************************** تدري وش سوى غيابك ؟! موت غيابك سواااالف !.. مايخوفني زماني بس من فرقاك خايف !.. فجأه أصحى وماأشوفك .. لاتهددني .. ظروفك إعتبرني ..حلم / واقع وإلا ظل" مايطوفك ضامي عطشان .. جيتك لايعشمني سرابك !.. تسمح بكلمه ؟! بغيتك قبل لاتبدي غيابك !.. تدري وش معنى غيابك ؟ يعني : أسوء شي شفته طول عمري !! تبدي ضحكاتي هلا بك وفي وداعك ماينام الجرح بدري وإنت كيفك شوف وش ناوي عليه..! هاك قلبي وهاك سيفك وسو فيني اللي تبيه ! لاتحاتي تصفح بكيفك جروحي وإشطب آمالي وطموحي وإعتبر قلبي كتابك !! ****************************** تحت اكوام الانتظار ابحث عنك ولاأعثر على شي غير غيابك ... وحين افتش في قلبي جيدآ أجدك لكني لاأستطيع الحصول عليك ... احتاج إلى حضورك الكامل لأتخلص من قلقي واضطرابي وفوضى الموت في داخلي ... غيابك يجردني من كل شي ويتركني عاري امام نفسي المحشوه بأسرارك وتفاصيلك الصغيره ... ويصيبني الفشل كلما حاولت اقتلاعك من تربة الذاكره ... لايمكنك الغياب هكذا والتزام الصمت وإغلاق كل الطرق المؤديه إليك ... من حقك مغادرة قلبي في اي وقت تشاء لكنني احتاج فقط ان تغلق الباب وراءك ... عليك إيجاد الأسباب الكافيه لرحيلك ... وعلي إيجاد المبررات اللازمه لجعلك تبقى زمنآ طويلآ ... كلنا نرتكب الأخطاء ثم نعتذر .... كلنا نحاول العبث ثم نندم .... كلنا نمارس الكذب ثم نتوب .... كلنا نقترف الحب ثم ننسحب .... لذا حين نغيب علينا التحلي بالشجاعه الكافيه للقيام بذلك .... لاأريد أن اموت في غيابك اكثر من مره .... لاأريد ان اعيش كذلك اكثر من مره .... ماأريده هو أن احيا مره واحده إمامعك اوبدونك ... وحين اعرف لماذا غبت لن اهتم بكيف؟ ومتى فعلت ذلك؟ في غيابك المبهم اضعف امامك لكنني اصبح اكثر قوه امام نفسي ... في غيابك الواضح اكون ضعيف بمايكفي ولا الجأ للقوه مطلقآ ... في غيابك سأكون في حاجه الى الضعف وليس القوه................! ************************************************ على الله يازمن بشكي جروحي والليالي طوال..! عسى راعي العنا ينسى عناه وينشرح صدره على الله يازمن بشكي همومي والهموم جبال تعدت عاصمة حزني حدود العالم بأسره خساره يالسنين اللي كتبتي قصة الترحال فرحت أمس وحزنت اليوم بس الخوف من بكره لساني كم شكى صمته وإلا منه حكى ماقال طغى طبع السكوت بسيرة المحروم من صغره. سقى الله يوم أنا كنت أضحك وبالي مستريح البال. ضحوك ماعرفت الحزن وش معناه وش قدره. كبرت وكبرت أحلامي وصارت قصة الترحال. أماني في مهب الريح حلم مااكتمل سحره. عزيزه يالحروف اللي سكتي والكلام يقال. حكيتي ماشكيتي الهم وهم القلب ياكبره. أنا منهو فقد صوته وبعض الصوت به مازال. دعيت الله يفرجها علي وبحت أنا النظره. أشيل الحمل عن غيري وحملي صار ماينشال.. كما الشيخ الهزيل اللي مشيبه مانقض ظهره.. وعن حر الزمن صارت حروفي للجروح ظلال.. تذرت عن هموم الياس حلم قد بنى قصره عساها للمطر روح بها وادي الظما ماسال.. عروق سنينها جفت ووراها الزمن غدره.. على الله ينجلي وقت قضيته هما" وغربال.. ويشع النور في قلب غشى بين الظلام فجره.. على الله والولي الله وبأمر الله يزين الحال.. ويضحك للزمن قلب من همومه قضى عمره.. ****************************************** ليه ياشمعة وش اللي مضيق صدرك وش اللي حابس الدمعة وش اللي متعب عمرك أنا وإلا الألم نازف أنا وإلا الحزن سافر أو إنه عمرك بيفنى؟! وفجأة سالت الدمعه بكت قدامي الشمعة وبكتني وقالت لي: إلى منه سطع نوري على وجهك أشوف الدمع بعيونك وهذا شي يحزني وإلى منك صرخت من الألم أحس الموت يجذبني أحسه حيل يجذبني وهذا شي يحزني.. وإلى منك كتبت الشعر على نوري بقرطاسك أحس حروفك تنادي تبي إنسان يسمعها تبي إنسان يفهمها تبي إنسان يحضنها ويرجع لي صدى الأصوات يجرحني.. يعذبني وهذا شي يحزني وإلى منك بالدفا حسيت وغشاك النوم تفز بخوف تفزعني وهذا شي يحزني.. وقلت الله يالشمعة! أنا اللي مضيق صدرك أنا اللي حابس الدمعه أنا اللي متعب عمرك أجل وشلون لوعشتي دقيقة عشتها بعمري؟ أجل وشلون لوشفتي جروح الناس في صدري؟ أجل وشلون لو إنك تحملتي حزن هالكون؟ أجل وشلون لوحظك رماك بعالم مجنون؟ أجل وشلون لويكبر بك الحرمان ياشمعة؟ أجل وشلون لويغدر بك أغلى الناس ياشمعه؟ وفجأة! ماتت الشمعة من أحزاني! صرخت وليه ياشمعة تركتيني لحرماني تركتيني لأحزاني وبعد هالموت ياشمعة من اللي بعدك بيبقى بظلام الليل يضويني ومن اللي بعدك بيبقى إذا ونيت يحس فيني ومن اللي بعدك بيبقى على موتك يعزيني وماتت الشمعة وماتت معها أغلى جروحي. وأعذب آلآمي. ********************************************* تعال ووقع بجرحك أنا قلبي كتاب جروح لا يهمك ترى زماني جرحني ما افتكر فيني زوايا القلب تتألم وشرخ في الحنايا ينوح وعبره تخنق إحساسه ودمع راجف بـعيني زمن فيه الوفا ولى وسيف الجفا به مسموح يسله من هوى ذاته ويهوى بس يشـقيـني زمن فيه الأنا تقتل مشاعر بين روح وروح وعلى كثر الألم منها صار الفرح مجـفيني شوف الواقع المؤلم يعشق شوفة المجروح رسخ في داخلي كلي ووده حيل ينهيني ************************************** صحيح أنا تفارقنا وكلن راح في حاله ..! ولكن فيه للتقدير موقف ما تناسيته ... أنا قدرت وضعه والفراق أشتد زلزاله .. ووصاني على الصمت وعلى التفكير وصيته ... وسامحته على اللي قال واللي مابعد قاله .. وعلى راحت ظميره والقرار الصعب خليته .. وبديت الآحظ نتايج صدته بدموع هماله ... وتحريته على نار وياليتي ما تحريته .. صدمني بالفرااااق وسرعته في ردت أفعاله .. وثبت بي خيالن ماسعى الواقع بتثبيته .. بعد ما كان أقرب لي من الرجال لظلاله .. بعد ما كان يضحك لو قسى قلبي وبكيته .. بعد ما كان قاهر كل عذالي وعذاله .. بعد وش عاد باقي..! ياكود مواله .. ليا جره وأنا غافل وقربلي وضميته .. أنا وشلون أصدق بالفراق وبارق خياله .. وأنا قبل أمس لا أمس لا لا اليوم في بيته ... وش اللي صار ياربي وش اللي غير أحواله .. وش اللي يجبره يصد صوتي يوم ناديته .. قسى وإلا نسى وإلا عسى ما صار في باله ... فراقي وأعتبر ما صار ممسك صعب تفويته ... عجب ياقلب كيف حظوظنا بالوقت مياله ... وأنا مافيه شي ما يسوى ألا وسويته .. غدى راسي هدف نقص الزمان وخمة رجاله .. وأنا راسي عزيز وعن سقاط الحكي عزيته ... وعزيت الحبيب اللي ضوى قلبي على جاله .. وشلت القلب في كفين مرضاته وحطيته .. وأنا ماني ولد عمه ولا حتى ولد خاله .. ولكن دون أبن عمي وأبن خالي تعزويته .. ولكن راح وأبقاني على صدر الحزن عاله .. ولزمني خطاي اللي عليه نذر ما أخطيته ... وأذا هو شايفا" حبه أضافة ذنب لأعماله ... أنا أطهر ما عملته في حياتي يوم حبيته .. عزاي أني على حق وعزاي أنه على فاله .. وعزاي أني على صدق الغلا والشوق خاويته .. ولو حنا تفارقنا وكلن راح في حاله ... أبستناه لين الموت تاقف بي موآآآآآقيته.. ************************************** أبي ردود حلوه تحمسني اكمل واتمنى ماتفشلوني هذا اول موضوع انزله اعذروني على القصور وتقبلوا تحياتي اختكم/ الغزال الملثم ولنا عوده بعد ردودكم طبعآ ***$$
__________________
|
|
06-11-2007, 06:07 PM
|
|||
|
|||
رد: إهداء مني لجميع الأحباب ادخل وماراح تندم
ماقصرت يالغالي بصراحه رووووووووووووووعه
لا تحرمنا من جديدك
|
|
| أدوات الموضوع | إبحث في هذا الموضوع |
| طرق عرض الموضوع | |
|
|
| التسجيل | الأسئلة الشائعة | التقويم | البحث | مشاركات اليوم | اجعل كافة المشاركات مقروءة |
العرض العادي
